聖誕樹

今天在CC開工，呆了一整天．聖誕節快到，看着一班工人忙着裝飾放在大堂的聖誕樹，思緒開始漫遊，想呀想，心裡竟覺得有些不悅．

”好地地幹啥要將一棵長得好好的樹砍下來？那麼高大，至少也要種十年八年．

聖誕節嘛！用來慶祝一下．

是誰說聖誕節要砍樹來慶祝？是耶穌嗎？不知道衪看見棵松樹這樣會有什麼感受．

唉，我生存得好地地無端端被人砍咗我落嚟（其實即係殺死我），放在這個鬼地方，話慶祝什麼聖誕節，擺我係呢度十零廿日就掉我落垃圾桶，我都唔知我生存是為了什麼？我生命的價值在哪兒？嗰個乜鬼耶穌生日搞到死咁多樹，係咪應該懲罰吓D人類呢？

D人真無聊，整棵要種十幾年先有咁高嘅松樹喺度話慶祝聖誕節，慶乜嘢祝呀！喺喥影吓相之嘛，無聊！有心就唔好砍棵樹落嚟，走上山同棵樹裝飾影相啦！棵樹都命苦啦，生存咁耐就係為咗呢D節日俾人影十幾日．不過有時呢D嘢只有認命啦！人類都幾殘忍自私兼浪費．

D人成日又話要保護呢樣，保護果樣，唔知有冇人會為咗D聖誕樹搞吓遊行示威呢？D鬼佬話人道人道，對D動物講人道，又唔見對D樹講人道？虛偽！

講咩嘢吖你！你自己都唔喺環保嘅人啦！你自己咪又係虛偽？！

係，好似我寫緊嘢張紙，都係要砍棵樹來造，但某程度上與這棵純粹用來俾人影吓相嘅樹相比，犧牲得較有價值吧！

唓，幫到你嘅就有價值，幫唔到你嘅就冇價值，你嗰D價值係自己覺得嘅啫，都幾自私喎！

其實價值是誰定？憑什麼去定？聖誕節的意義又是什麼呢？”